Bartzelonaren bigarren entrenatzaileak, Tito Vilanovak, astelehen honetan ospitaleko alta jaso du azaroaren 22an glandula parotidaren ebaketa jasan osetan.
Eboluzio kliniko onuragarri baten ondoren, Vilanovak Vall d'Hebrón hospitala utzi du sendatzearen prozesua bere etxean jarraitzeko asmoarekin. Bi edo hiru asteko errehabilitazioa beharko duela esan dute medikuek.
Pep Guardiola laguntzaileari aurreko astean egin zioten ebakuntza baita aurretik aipaturiko zentro medikuan, kirurgia maxiofazialaren ekipoaren eskutik. Operazioa era egokian amaitu zela adierazi zuten eta hiru eta lau aste bitarteko atsedenaldia beharko zuela estimatu zen orduan.
Eunate Agirrek aurreko igandean munduko txapeldun bilakatzea lortu zuen. Eunate txapelketa irabazteko faboritoen artean zegoen Sintran (Portugal) ospatu zen azkeneko proba gainditu ostean. BAT Basque Team-ek babesturiko bodyboarderrak txapelketaren bigarren errondan sartu zen lehiaketan, Mariana Machado gaindituz, eta horrela final-laurdenetarako pasea lortuz.
Fase erabakitzailean goreneko postuak lortzeko lehia gogorra izan zen. Larunbateko eguna erabakigarria suertatu zen Eunaterentzat, zeinek María Viana Brasildarra garaitzea lortu zuen.
Igandean tanda finala ospatu zen, bizkaitarrak finalera iristea baino ez zuen behar txapeldun bilakatzeko. Hala ere, olatuen urritasunak lehiaketaren lehenengo orduak baldintzatu ditu, eta horrek garaipena eskuratzeko aukerak murriztea eragin du.
Final-aurretan 6,50 puntuko olatua surfeatzeak finalerako pasea eman zion sopelanakoari. Bere azkeneko aurkaria Isabella Sousak ezin izan zuen bizkaitarraren kemena gainditu eta horrela Eunate Agirre titulu mundialarekin egin zen.
Txapelketaren amaieran Eunatek adierazi zuen “pozik nago urte askotan zehar egindako lan gogorraren emaitza delako hau. Fedea izan dut azkeneko olatu batekin klasifikazio finala eta titulu mundiala lortzeko gai izango nintzela, hori izan da gakoa”.
Futbol liga ingelesako talde historiko bat, betidanik indartsuenetarikoa, ez dabil bere momentu onenean. Manchester United Newcastleren kontra berdindu du. 1-1 markagailuan eta Old trafford lehen bezain beldurgarria ez dela pentsatzen joan dira United-en zaleak etxera.
Iaz bakarrik bi puntu bakarrik ihes egin zuten zelai mitikotatik. Orain hiriko beste taldea, Manchester City, lehenengoa doa txapelketan, United baino lau puntu gorago. City-a diruaren ahalmen boteretsua dauka orain, eta munduaren arlo guztietan bezala, hori oso baliotsua da. Talde ikaragarria egin dute eta Ingalaterrako ekiporik nabarmenena da momentu hauetan.
Chicharito Hernandezen gola 49. minutuan gorrien itxaropena piztu zuen, baina 64an itzali zen Demba Baren tantuarekin.
Egoera zailan daude United-ekoek, baina nork daki, Premier league aurrera joan ahala, agian infernua beldurgarria izango da berriro.
Gary Speed, 42 urtekoa, bere etxean hilda aurkitu dute, urkatuta dirudienez. Galeseko selekzioa entrenatzen zuen 2010. urtetik. Honetaz aparte jokalaria izan zen talde hauetan: Leeds, Everton, Newcastle eta Bolton.
Galeseko futbol elkartea albistea baieztatu du, baina ez dute heriotzaren zergaria aipatu eta familiari doluminak eman diote.Sheshireko komisariatik Speeden gorpua Hungtingtonen zeukan etxean aurkitu dutela esan dute, egoera susmagarririk ez dagoela esanez. Michael Owen jokalari ingelesa bere auzokidea zen eta oso harrituta dago: "Ezin dut sinetsi. Orain dela bi egun agurtu ginen gure semeak eskolan usten ditugunean".
Hildakoa emazte bat eta bi seme zituen. Goian Bego.
Ahaztu Obamaren oparia, saskibaloiko ligarik ikusgarriena gabonetan bueltatzeko posibilitatea dago. Blog honetan Lockout gaiaz askotan baliatu gara sarrerak argitaratzeko, eta orain arte guztiak albiste txarrak edo garrantzi gutxikoak ziren.
15 ordu eman dute jabe eta jokalariek eztabaidan azkenengo batzarrean, eta emaitza Lockout-a amaitzeko akordio baten hasiera izan da. Abenduaren 25an, gabon eguna, denboraldiaren hasiera suposatu ahal dezake hiru partidu hauekin: Boston-Knicks, Miami-Dallas eta Chicago-Lakers. Guztiak ligaren maila altuena dauzkaten taldeen artean, dudarik gabe.
149 egun egon da txapelketa amerikarra itxita. Orain prozesu judiziala albo batera usten da eta jokalarien sindikatua berriro sortu beharra dago. Bitartean tratuaren detaileak aztertuko dira eta konbenio berria landuko da. 66 partiduko egutegia da ideia.
Azkenean argia ikusten da ia 5 hilabete iluneko bidearen amaieran, kirol zaleentzako albiste bikaina. NBA. Show must go on!
Bartzelona lehen postuan kokatu da Championsean Milani San Siron irabazi ondoren
Bartzelonak berriro ere prestigioa lortu du Europan garaipen berri batekin. Milanen aurka atzo, azaroak 23, San Siron jokatu zuen partidan 2-3 irabazi ondoren. Bi taldeek sekulako maila erakutsi zuten.
Talde kataluniarrak Milani irabazi ondoren H multzoko lehen postua ziurtatu du. Milan bigarren sailkatu bezala pasatuko da final-zortzirenetara.
Bi taldeak final-zortzirenetarako sailkatuak zeuden baina garaipen honen ondoren Bartzelonak 13 puntu lortu zituen eta Milan 8 rekin gelditu zen. Messi eta Xaviren jokaldi ezin hobeari esker lortu zuen garaipena talde Kataluniarrak.
Mark Van Bommel jokalari holandarrak bere atean sartu zuen gola izan zen lehenengoa, Bartzelonaren onerako. Ondoren, Messik gol bat sartu zuen penalti bidez. Milanek bi aldiz berdindu zuen, Zlatan Ibrahimovic-ek (20.minutuan) eta Kevin Prince Boateng-ek (54.minutuan). Azkenik hirugarren gol erabakigarria Xavi Hernándezek sartu zuen (63.minutuan).
Dopinaren aurkako Puerto Operazioa dela eta Eufemiano Fuentes eta beste sei lagunei ahozko epaiketa ireki die gaur epaileak, bost urte baino gehiago igaro ondoren. Osasun publikoaren aurkako delitua egozten zaie. Fiskalak bi urteko kartzela zigorra eta gaitasun gabetzea eskatuko du guztientzat.
Goi mailako kirol dopinaren aurka inoiz izan den operaziorik garrantzitsuena, Puerto Operazioa, 2006ko maiatzaren 23an hasi zen. Guardia Zibilak bost lagun atxilotu zituen Madrilen eta Zaragozan, horien artean: auzipetuen artean Eufemiano Fuentes medikua, Manolo Saiz ONCE taldeko zuzendari ohia eta Vicente Belda Kelme taldeko zuzendari ohia zeuden.
Baina dez ziren bakarrak izan, gerora auzipetu gehiago izan ziren: Jose Luis Merino Batres hematologoa, Ignacio Labarta Valentzia Erkidego taldeko alboko zuzendaria, Alberto Leon txirrindulari ohia eta Alfredo Cordova eta Yolanda Fuentes medikuak.
Espanyol-en aurkako partidan hartu zuen min eta aste batzuetarako izango du
Asier IIIarramendi Realeko erdilariak Espanyolen aurkako norgehiagokan lesionatu eta atsedenaldiaren ostean aldaketa eskatu behar izan zuen. Philippe Montanier entrenatzaileak aldatu zuenean, hainbat jarraitzailek txistuak jo zituzten, aldaketa taktikoa zelakoan; ez zekiten IIIarramendi lesionatuta zegoenik.
Asier IIIarramendik zenbait lesio izan ditu azken hilabeteetan. Zuntz-urradura izan zuen 21 urtez azpiko selekzioarekin deituta zegoenean eta ondoren belaunean hartu zuen min.
Jokalaria erabat sendotuta zegoela uste zenean berriro ere min hartu du, oraingoan ezker belauneko meniskoan. Realarentzat kolpe handi izan da hau, jokalariaren menpekotasun handia baitu taldeak.
Liassine Cadamuro atzelariak ere min hartu du, gradu bateko zuntz haustura arin bat dauka izterrean.
Espainiako Lehen Mailako sailkapenean azken ostuan dago Reala. Igandean, azaroak 27, du hurrengo partida Betisen aurka. 12:00etan Betisen zelaian.
Saskibaloiko liga estatubatuarraren egoera zaila azaldu dugu sarrera zaharretan. "Lockout-a" show handi honen magiarik gabe utzi digu hilabete hauetan. Baina Barack Obama oso kezkatuta zegoenez, krisi ekonomikoaren erdian dirutza bat gastatzea erabaki du "Obama Classic Basketball Game" sortzeko (dirutza hori bere poltsikoetara biderkatuta itzuliko da, hurrengo hauteskundeentzako laguntza bait da sarreren bilketa).
Abenduaren 12an, Washingtonen, partidu berezi bat jokatuko da. Kevin Durant, Carmelo Anthony, Dwight Howard, Blake Griffin eta Rudy Gay izarrak parte hartuko dute, konfirmatzeko geratzen diren beste batzuen artean, Reggie Miller bezalako mitoak ahaztu barik. Diruari buruz hitz egitera bueltatzen ba gara, aipagarria da partiduaren helburua: 1.000 milioi dolar; eta sarreren prezioa: 100 euro merkeena eta 5.000 garestiena.
Alde positiboarekin geratuko gara eta kalitatezko saskibaloia gozatuko dugu datorren abenduaren 12an, hain modernoak diren aurre-gabonak ospatzeko. Eskerrik asko Barack!!
Sarrera honekin blog honetako albisteen gaurkotasun hotza alde batera uztea erabaki dut, kirolari historiko baten perfil hunkigarri bat ezagutarazteko. El País egunkariak Alessandro Del Piero futbolariari egindako elkarrizketa irakurtzerakoan, bizitza pertsonal eta profesional interesgarri batekin aurkitzen gara, historia eder batean murgildutak.
Jokalari italiarra ume lotsati bat izan zen. Nahiz eta kirol kolektibo baten miresle izan, bakarrik jolasten zuen gehienetan, jadanik baloiarekin trebetasun handia zeukala. Elkarrizketatzailea titularrarekin asmatu du: "Askotan jolastu dut bakarrik". Hau antzinako umearen bakardadea transmititzen du, baina ere bere taldekideak baino gehiago saiatzen den jokalariaren adorea.
Orainaldian ez da erreza mota honetako jokalariak aurkitzea. Juventus taldean egon da bere bizitza osoan; bigarren mailara jaitsi zenean korrupzio kontuengatik 2006an ez zuen ontzitik ihes egin.
Kirolari hauek desagertzeko arriskuan daude, dirua miresten dutenak nagusi direlako. Baina beti geratuko zaigu Del Piero.
Lau térdiko Txapelketaren finala ez da azaroaren 27an jokatuko, baizik abenduaren 4ean. Aimar Olaizolak bere hatzeko lesioa dela eta finala atzeratzeko eskaera egin behar izan du. EPELeko epaile bakarrak baimena eman dio, araudiak onartzen baitu.
Ezker eskuko hatz luzeko puntako hezurra hautsita dauka goizuetarrak. Ez zuen atzeratzerik nahi baina azkenean lesioaren bilakaera eta mina ikusita finala atzeratzea eskatu behar izan du. Azaroaren 27rako endatuko zelakoan zegoen baina ez da posible izan.
Juan Martinez deI rujok dagoeneko jakinarazi du ez lukeela lau térdiko Txapelketaren finala abenduaren 4ean jokatzeko inongo arazorik izango.
Erreserbatutako sarrerak azaroaren 24an bildu ahal izango dira Bizkaia pilotalekuan, 12:00etatik 13:30etara eta Labriten, 19:00etatik 20:00etara.
Palentziako Marta Domínguez eta Tarragonako Natalia Rodríguez, espainiako istoriako bi atletarik onenetarikoak, urrengo 27anParc de Montjuïc-en, Bartzelonan, ospatuko den lasterketan parte hartuko dutela konfirmatu dute. Mundo Deportivok 88.aldiz antolatuko duJean Bouin-Gran Premio Allianz, asfalto gaineko proba klasikoa. Bi kirolariek berriro ere aurrez aurre lehiatuko dira, duela bi urte egin zuten bezala, non Natalia, dudarik gabe, nagusitu zen.
Hirugarren aldia daMarta Domínguezlasterketa honetan parte hartzen duela, hala ere, ez du oraindik irabaztea lortu. Gainera, azkenaldi honetan kirolaren mundutik aldendunta egon da, dopajearekin izandako arazoengatik eta haur bat izan duelako. 2001.urtean, Jean Bouinen lehiatu zen lehengo aldian, laugarren postuarekin konformatu behar izan zen Chantal Fontaine-Dallenbach garailearen aurrean. 2009.urtean, Berlinen munduko txapeldun izendatu zen urte berean, bigarrena gelditu zen, Natalia Rodríguez-en atzetik.
Natalia Rodríguez, aurten Jean Bouinen lehiatuko da Daegu-ko mundialeko 1.500 metroko proban brontzezko domina lortu ondoren. Bederatzigarren aldia da bartzelonar proban senior kategorian korrika egiten duena eta bere laugarren garaipena lortzen saiatuko da, 2005, 2009 eta 2010.urtean lortu zuen bezala.
Azaroaren 18anFIFAren Urrezko Baloiaren hiru finalistak aukertazeko botoa emateko epea itxiko da. Emaitzak abenduaren 5ean publikoki zabalduko dira. Momentuz gustukoen artean Lionel Messi, Xavi Hernández eta Cristiano Ronaldo daude, dena den, askok diote segurua dela Leok hirugarren aldiz saria eskuratuko duela. Hori horrela gertatuz gero, Messik, Michael Platini, Johan Cruyff eta Marco van Basten futbolaren mitoak parekatuko lituzke. 2012ko urtarrilaren 9an Zurich-en ospatuko du FIFAk gala tradizionala, eta orduan, futbolaren mito berri baten jaiotzaren lekuko izan daiteke mundua.
Botoak taldeen kapitainek eta FIFAko kide guztien federazioen aukeratzaileek emango dituzte. Futbolariek eta teknikoek ezingo dute nazionalitate bereko hautagaiei botoa eman, kazetariek, ordea, aukera hau izango dute.
Modu honetan, Leo Messi, Argetinaren kapitain bezala, Barça-ko taldekideei, Xavi Hernándezeri edo Andrés Iniestari botoa eman ahal izango die. Bestalde, Iker Casillasek, espainiako kapitaina dena, ezin izango du berdina egin. Hala ere, Cristiano Ronaldori edo Messiri botoa eman ahal izango die.
France Football aldizkariak eta FIFA berak zenbatu behar dituzten botoei buruz zabaldu den informazioaren arabera, Mesirekiko dagoen faboritismoa oso argia da, nahiz eta, Cristiano Ronaldok ustekabeko protagonismoa berreskuratu duen.
Bestalde, Neymar jokalaria da Urrezko Baloiaren 23 hautagai guztien artean Europan jolasten ez duen jokalari bakarra eta Hegoameriketatik boto asko jasotzen ari da. Beste klasiko bat izaten jarraitzen duen Samuel Eto’ok botoak gutxinaka batuz doa, eta postu gorenetan gelditu daitekeen afrikar bakarra izan daiteke.
Joe Frazier boxealaria hil zen atzo gauean Filadelfian 67urterekin, gibeleko minbiziaren ondorioz.Berria bere ordezkari, Leslie Wolfek, jakinarazi du eta ondoren bere familiak baieztatu du.
Frazier, "Smokin Joe" izenez ezaguna mundu osoan, historiara pasatuko da Muhammad Ali garaitu zuen lehen boxealaria izan zelako. Garaipen hau 1971ko martxoaren 8an lortu zuen Madison Square Garden-en. Beste bi alditan aurkari izan ziren, 1974ean eta 1975ean, baina bi aldi hauetan Ali izan zen garaile.
Frazier 1976ean erretiratu zen, baina 1981ean berriro ikusi al izan genuen ezohiko boxeo-borrokaldi batean. Bi boxealarik soilik lortu uten Frazierri garaitzea: George Foreman eta Muhammad Alik.
Boxeadore ohiari duela aste batzuk diagnostikatu zioten gibeleko minbizia, eta gaixotasunak berehala eraman du heriotzera. Jendaurrean egin zuen azken agerraldia irailean izan zen Las Vegasen eta bertan bere zaletuei autografoak sinatzen eta guzti aritu zen.
Boxearen punta-puntan ibili zen urteetan irabazi zuen diruaren gehiengoa galdua zuen Frazierrek. Gaur egun apartamentu batean bizi zen, berak boxeorako entrenatzen zituen gazteen gimnasioaren gainean.
Frazier mito bat izan da boxeoaren historian eta oraingo boxealarien erreferente ere bai.
Marco Simoncelli moto lasterkari famatua Malasian hil zen Urriaren 23an, lasterketa erdian, zirkuituaren asfaltoan. 24 urte zituen. Kirolaren mundua beltzez tindatu zen Malasiako zirkuitoan berri txarra entzun zenean megafoniatik. Hileta lasterketaren 2. bueltan gertatu zen; Hondako pilotua bere motorraren agintea galdu zuen eta bi pilotu gainetik pasatu zioten: Colin Edwarsek eta Valentino Rossik, azken hau hildakoaren lagun mina. Gorputza errepidetik atera zuten komisarioei eta medikuei errua botatzen zaie, bere lana txarto egin zutela argudiatuz (gorputza esku-ohetik jausi zitzaien Marcoren aita eta Malasiako publikoaren aurrean), baina Simoncelliren aita haien alde egin du. Lepoan, buruan eta toraxean kolpe oso gogorrak jaso zituen pilotu italiarrak eta ezinezkoa izan zen bere indarberritzea.
Bere ehorzketa masiboa izan zen eta mundu osoan berari zuzendutako omenaldiak egon dira. Atzeranz begiratzen badugu, duela urte bat Shoya Tomizawa pilotu japoniarrak hil egin zen antzeko egoera batean. Blog honetatik gure doluminak bien familientzako.
Zelanda berriak 8-7 irabazi zion Frantziari, 1987ko garaipena errepikatuz, non Mundilaeko lehenengo titulua irabazi zuten, talde galiarraren aurka baita.
Puntu bategatik, saria etxean gelditu zen. Maila gorenean hile bateko leihaketa gogorraren ondoren, 2011ko errugbi mundialak final ikusgarri batekin itxi zituen ateak. All blacks-ak erregetza berreskuratu zuten, mirari baten zain zegoen Frantziaren aurrean.
Woodcock jokalariaren try bat eta Donald-en penal bat izan ziren arrakastaren gakoa. Nahiz eta talde frantziarrak maila oso altua erakutsi, ezin izan zuen All Blacks-en mailara heldu.
Marc Lievremontek, frantziar teknikariak, partidua baino lehen adierazi zuen ustekabeko erasoarekin irabaztea espero zuela: “Horrelako partiduetan, frantziak plus bat bilatu beharko du, horrela aurkariak jakin ez dezan aurretik zer egingo duen, eta jokalariek zelaian hoberena eman beharko dute. Errugbiko jainkoak igandeko gauan gurekin egitoea espero dugu”.
Frantzia zalantzak utzi zituten zenbait partidu jolastu ostean iritsi zen finalera, batez ere Gales-en aurka jolastutakoa. All Blacks-ak, ordea, hoberenak izaten heldu ziren. “Finalaren eguna ez da irabaztea merezi duenari buruz, baizik eta, errugbira hobeto jolasten duenari buruz”, esan zuen Richie McCaw kapitainak. Azkeneko honen teorema bete zen eta errugbiko jainkoak beltzezko gizonekin gelditu ziren.
Euskadik Selekzioko hautatzaile berria du Jabo Irureta ordezkatuz. Euskal Federazioak jakinarazi du hautatua Jose Mari Amorrortu dela, hain zuzen ere, Athletic Club-eko kiroltasun zuzendaria. Ohitura den moduan gabonetan egingo den lagunarteko partidan estrenatuko da.
Euskal Federazioak urriaren 26ean egindako batzarrean hautatu zuen Selekzioko hautatzaile berria. Amorrortuk Athletic-eko zuzendaritza lanekin batera uztartuko du Euskal Selekzioko hautatzaile kargua. Entrenatzaile bizkaitarrak Selekzioa zuzentzen Mikel Etxarriren laguntza izango du. Esperientzia handia du Amorrortuk honetan, Athletic, Erreala eta Eibar futbol taldeetako entrenatzailea izan baita besteak beste.
Javier Irureta joan den martxoaren 1a ez geroztik zegoen Euskal Selekzioko hautatzaile postuan. Honen aurretik Jose Angel Iribar izan zen 18urtean postu horretan. Iruretak karguan egon den lau hilabetetan partidu bat zuzentzeko aukera soilik izan du, maiatzaren 25ean Tallinen Estoniaren aurka jokatu zenekoa.
Moral kontzeptuari garrantzi gehiegi ematen zaiola askotan argi dago. Pertsona batzuen ustez gauza naturalenak moraletik urrun daude, beraz horiek egitea gaizki dago.
Ipar Koreako futbol selekzioak bete zuen paper txarra azken munduko futbol txapelketan "ezmoral" antzeko bat izan zen. Herrialdearen handitasuna ez zuten demostratu, beraz zigortuak izan ziren, batzuek esaten dute tortura fisikoekin, auskalo. Portaera lotsagarri hauek antzinetik datozte, Mussolinik Italiako futbol taldea erabili zuen bere diktaduraren publizitate bezala, eta heriotzarekin mehatxatu zien jokalari gixajoei.
Iranen eman da estilo honetako egoera berri bat: Gol bat ospatzeko jokalari batzuek portaera maitekorra izan zuten haien artean (musuak, ipurdiak ikutu), Europan hain arrunta den moduan. Ongi, ba Iraneko federazioak diru-zigorrak jarri die jokalariei jokaera "ezmoral" horregatik. Gainera, zigor fisikoaren posibilitatea airean dago.
Mota honetako gauzak egunen batean amaituko dira? Auskalo.
